ШҰҒЫЛ! «Қазақстан» телерадиокорпорациясы өзінің барлық медиаактивтерінде жаңа маусымды бастамақ Толығырақ

Білім бәйгесінің үздіктері марапатталды

18:02, 20 сәуір 2017

Жаңа жобалар, тың идеялар - жетістіктер! Қостанайда республикалық ғылыми жобалар жарысында жеңіс тұғырынан көрінген озат оқушыларды марапаттау салтанаты өтті. Ақпан айында Алматы қаласында болған білім бәсекесінде біздің өңір өрендері өз метептері мен мұғалімдерінің мәртебесін асқақтатты. Осыған орай, қалалық әкімдік өкілдері мен білім бөлімінің мамандары үздік шәкірттерді ұлықтады.

Жалпы саны 17 медаль. Соның екеуі – алтын. Бұл - республикалық ғылыми жобалар және оқушылар олимпиадасында қостанайлық өрендердің қол жеткізген қомақты жетістігі. Жарыс жеңімпаздары мен жүлдегерлерін жергілікті билік өкілдері дәстүрге сай салтанатты түрде марапаттады.

Білім олимпиадасында қол жеткен жеңіс мұғалімдер мен оқушылардың жылдар бойы жинаған тәжірбиесі мен ізденістерінің жемісі екендігі еш талас тудырмайды Сонымен қатар, шәкірттердің бұл жетістіктеріне облыстық «Дарын» ғылыми зерттеу орталығының да қосқан үлесі орасан дегенді айтады мамандар.

Сарапқа салынған 18 медальдің тоғызын қанжығалаған қостанайлық үздік шәкірттер бұл нәтижемен тоқтап қалмақ емес. Ел көлемінде жүзден жүйрік атанған оқушылар алдағы уақытта бұдан да биік белестерді бағындыруды көздейді. Халықаралық олимпиадаларда өңір атын асқақтатуды мақсат етіп отыр.

 

Тақырып бойынша материалдар

Танымал жаңалықтар

Әлеуметтік қызмет көрсету жүйесі жаңғыруда
17:06, 17 тамыз 2017
Әлеуметтік қызмет көрсету жүйесі жаңғыруда
Толығырақ...